కడెం జూన్  06( జనం సాక్షి )మండలంలోని ధర్మాజీపేట్ గ్రామంలో కూలిన డ్రైనేజీ పనులను సర్పంచ్ ఓర్సు వెంకటేష్ అధ్వర్యంలో సోమవారం కంప్రెసర్ మిషన్ తో పూర్తిగా తొలగించి మరమ్మతులు చేపట్టారు ఈ సందర్భంగా సర్పంచ్ వెంకటేష్ మాట్లాడుతు పల్లె ప్రగతి కార్యక్రమంలో భాగంగా గ్రామాల్లో నెలకొన్న సమస్యలను వెనువెంటనే చేపడుతున్నామన్నారు ప్రతి ఒక్కరు తమ నివాసాల చుట్టూ పరిశుభ్రంగా ఉంచుకోవాలని మురికి నీరు నిల్వ ఉండకుండ చూడాలన్నారు రానున్న వర్షాకాలం దృష్టిలో ఉంచుకొని పరిసరాలను పరిశుభ్రంగా ఉంచుకోవాలనీ సూచించారు గ్రామ అభివృద్ధికి ప్రతి ఒక్కరూ సహకరించాలని కోరారు ఈ కార్యక్రమంలో స్థానిక నాయకులు గురిజేల శేఖర్, వార్డు సభ్యులు నారాయణ గ్రామస్తులు తదితరులు పాల్గొన్నారు.