– శ్రీవారిని దర్శించుకున్న యార్లగడ్డ, సినీ నటుడు రాజేంద్రప్రసాద్‌
తిరుపతి, జులై27(జ‌నం సాక్షి) : తిరుమల శ్రీవారిని శుక్రవారం ఉదయం మాజీ ఎంపి యార్లగడ్డ లక్ష్మీప్రసాద్‌, ప్రముఖ సినీ నటుడు రాజేంద్ర ప్రసాద్‌లు దర్శించుకున్నారు. అనంతరం యార్లగడ్డ లక్ష్మీప్రసాద్‌ విలేకరులతో మాట్లాడుతూ.. సీఎం చంద్రబాబు నాయుడకు మంచి బుద్ది ప్రసాదించాలని, రాష్ట్రాన్ని అన్ని రంగాల్లో అభివృద్ధి అయ్యేలా చూడాలని కోరుకున్నానని అన్నారు. తెలుగు భాషను ఓ సబ్జెక్టుగా పెడతామని చెప్పిన ఎపి సిఎం మాటలకే పరిమితమయ్యారని విమర్శించారు. తెలుగు భాషాభివృద్ధికి చంద్రబాబు చేసింది శూన్యమన్నారు. తెలంగాణలో కెసిఆర్‌ ఇచ్చిన మాటపై నిలబడి తెలుగు భాషకు ప్రాణం పోశారని, చంద్రబాబు తెలుగు భాష వ్యతిరేకి అని మండిపడ్డారు. రాష్ట్రంలో అభివృద్ధి సిఎం చంద్రబాబుకు మంచి బుద్ధి ప్రసాదించాలని శ్రీవారిని మొక్కుకుంటున్నానని తెలిపారు.