గుంటూరు: బీజేపీ ఎంపీ జీవీఎల్ నరసింహారావు చిక్కుల్లో పడ్డారు. ఆయన ప్రయాణిస్తున్న కారు ఢీకొని మహిళ మృతి చెందారు. మరో వ్యక్తికి తీవ్రగాయాలయ్యాయి. రోడ్డు దాటుతున్న వారిని తప్పించబోయి జీవీఎల్ కారు డివైడర్‌ని ఢీకొట్టింది. అనంతరం కారు అదుపు తప్పి మహిళతో పాటు మరో వ్యక్తిని ఢీకొట్టింది. మంగళగిరి వద్ద ఈ ఘటన జరిగింది. ప్రమాదం తర్వాత జీవీఎల్‌ మరో కారులో వెళ్లిపోయారు. జీవీఎల్‌ కారు డ్రైవర్‌ను పోలీసులు అదుపులోకి తీసుకుని విచారిస్తున్నారు.