నాగర్ కర్నూల్ జిల్లా ప్రతినిధి,జూన్8.(జనం సాక్షి):

నాగర్ కర్నూల్ ఎమ్మెల్యే  మర్రి జనార్దన్ రెడ్డి ఆహ్వానం మేరకు వచ్చే వారంలో మంత్రి కెటిఆర్ నాగర్ కర్నూల్ నియోజకవర్గం  పర్యటనకు వస్తున్న సందర్భంగా జరుగుతున్న ఏర్పాట్లను బుధవారం డీసీసీబీ డైరెక్టర్ జక్క రఘునందన్ రెడ్డి పర్యవేక్షించారు.ఈ సందర్భంగా జక్క రఘునందన్ రెడ్డి మాట్లాడుతూ వచ్చే వారంలో   బిజినపల్లి మండలంలోని సాయిన్ పల్లి, గ్రామంలో,నాగర్ కర్నూల్ మున్సిపాలిటీ లో పలు అభివృద్ధి కార్యక్రమాలకు శంకుస్థాపన, ప్రారంభోత్సవాలు చేయనున్నట్టు తెలిపారు.5 గ్రామాలకు,15 గిరిజన తండాలకు సాగునీరు, త్రాగు నీరు అందించే మార్కండేయ లిఫ్ట్ నిర్మాణం పనులకు శంకుస్థాపన చేయనున్నట్టు తెలిపారు. అనంతరం నాగర్ కర్నూల్ మున్సిపాలిటీ పరిదిలో పలు అభివృద్ధి కార్యక్రమాలను ప్రారంభించనున్నట్టు తెలిపారు. ఈరోజు సాయిన్ పల్లి గ్రామంలో మార్కండయ లిఫ్ట్ నిర్మించే ప్రదేశాన్ని నీటి పారుదల శాఖ అధికారులతో కలిసి పరిశీలించారు. ఈ కార్యక్రమంలో మార్కెట్ చైర్మన్, సర్పంచ్, ఎంపీటీసీ, తదితరులు పాల్గొన్నారు