పొన్నం ప్రభాకర్‌
హైదరాబాద్‌, మార్చి 16: పీజు రియింబర్స్‌మెంట్‌లో మంత్రి జగదీష్‌ రెడ్డి 5 శాతం ముడుపులు తీసుకున్నారని కాంగ్రెస్‌ నేత, మాజీ ఎంపీ పొన్నం ప్రభాకర్‌ పునరుద్ఘాటించారు. ఈ ముడుపుల వ్యవహారంలో పల్లా రాజేశ్వర్‌ రెడ్డి మధ్యవర్తిగా వ్యవహరించారని ఆయన ఆరోపించారు. మంత్రి అవినీతిపై ఆధారాలతో సహా లోకాయుక్తకు ఫిర్యాదుచేశామని పొన్నం చెప్పారు. ఈ అంశమై సోమవారం ఆయన మీడియాతో మాట్లాడారు. అవినీతికి పాల్పడ్డ జగదీష్‌ రెడ్డిని వెంటనే మంత్రి పదవి నుంచి తొలగించాలని ప్రభుత్వాన్ని డిమాండ్‌ చేశారు. ముడుపులు చెల్లించినందుకే పల్లాకు ఎమ్మెల్సీ టికెట్‌ ఇచ్చారని ఆయన ఆరోపించారు.
