నెల్లూరు : ఏపీలోని నెల్లూరు జిల్లాలో నేటి నుంచి నాలుగు రోజుల పాటు రొట్టెల పండుగ జరగనుంది. రొట్టెల పండుగ జరిగే బారాషాహీద్ దర్గా వద్ద అధికారులు ఏర్పాట్లు పూర్తి చేశారు. ఈ పండుగకు తెలుగు రాష్ర్టాల ప్రజలే కాక, పొరుగు రాష్ర్టాల నుంచి కూడా ప్రజలు రానున్నారు. ఈ క్రమంలో ఎలాంటి అసౌకర్యాలు కలగకుండా అధికారులు జాగ్రత్తలు తీసుకుంటున్నారు.

ఇక అక్కడికి వచ్చే వారు తమ సమస్యల పేరుతో రొట్టెలు చేసి పంపిణీ చేస్తుంటారు. పెళ్లి రొట్టె, ఉద్యోగ రొట్టె, ఆరోగ్యం రొట్టెతో పాటు ఇతర రొట్టెలు ప్రసిద్ధి. ఈ సారి అమరావతి రొట్టె కూడా తయారు కానుంది. కొత్త రాజధాని అమరావతికి శుభం కలగాలని కోరుతూ అమరావతి రొట్టెను కూడా తయారు చేయనున్నారు