– పారిశ్రామిక వేత్త రాబర్ట్‌ వాద్రా
– శ్రీవారిని దర్శించుకున్న రాబర్ట్‌
తిరుమల, ఆగస్టు18(జ‌నం సాక్షి) : తిరుమల శ్రీవారిని ప్రముఖ పారిశ్రామికవేత్త రాబర్ట్‌ వాద్రా దర్శించుకున్నారు. శనివారం ఉదయం సుప్రభాత సేవలో రాబర్ట్‌ పాల్గొని స్వామి వారికి మొక్కులు చెల్లించుకున్నారు. ఆలయ అధికారులు వీరికి దర్శన ఏర్పాట్లు చేసి స్వామి వారి తీర్ధ ప్రసాదాలు అందజేశారు. ఈ సందర్బంగా రాబర్ట్‌ వాద్రా మాట్లాడుతూ.. స్వామి వారిని దర్శించుకోవడం చాలా సంతోషంగా ఉందని తెలిపారు. దేశంలో ప్రజలు మార్పు కోరుకుంటున్నారని చెప్పారు. రాహుల్‌ గాంధీ మార్పు కోసం చాలా కష్టపడుతున్నారని అన్నారు. రాహుల్‌ వచ్చే ఎన్నికల్లో ప్రధాని కావాలని కోరుకున్నట్లు వాద్రా తెలిపారు. వారికి మా కుటుంభం తరపున సహకారం ఎల్లప్పుడూ ఉంటుందని రాబర్ట్‌ స్పష్టం చేశారు.