కర్నూలు: ఆళ్లగడ్డ సమీపంలోని చింతకొమ్మదిన్నె వద్ద ఘోర రోడ్డు ప్రమాదం జరిగింది. ఈ ప్రమాదంలో ముగ్గురు అక్కడికక్కడే మృతి చెందారు. వివరాల్లోకి వెళితే.. నంద్యాల నుంచి వరిపొట్టుతో వెళ్తున్న లారీ చింతకొమ్మదిన్నె వద్ద టైర్ పంక్చర్ కావడంతో వాహనాన్ని డ్రైవర్ రోడ్డు పక్కన నిలిపి మరమ్మత్తులు చేపట్టాడు. ఈ క్రమంలో కర్ణాటకకు చెందిన లారీ వెనుక నుంచి వచ్చి ఈ వాహానాన్ని ఢీ కొట్టింది. ఈ ఘగనలో మృతి చెందిన వారు పెద్దకొట్టాల గ్రామానికి చెందిన కిషోర్, రాముడు కాగా మరొకరు కర్ణాటక రాష్ట్రానికి చెందిన వ్యక్తిగా స్థానికులు గుర్తించారు. సమాచారం అందుకున్న పోలీసులు సంఘటనా స్థలానికి చేరుకుని విచారణ చేపట్టారు