కాకినాడ,నవంబర్‌2(జ‌నంసాక్షి): మృత్యువుగా దూసుకుని వచ్చిన మినీ లారీ ఇద్దరిని బలిగొంది. ఆటోను మినఈ లారీ ఢీకొనడంతో అందులో వెళుతున్న ఇద్దరు యువకులు మృత్యువాత పడ్డారు. తూర్పుగోదావరి జిల్లా మామిడికుదురు మండలంలోని నగరం గ్రామంలో 216 జాతీయ రహదారిపై గురువారం ఉదయం ఈ ప్రమాదం జరిగింది. రోడ్డుప్రమాదంలో ఇద్దరు యువకులు మృతి చెందారు. మరొక యువకుడికి గాయాలయ్యాయి. మండలంలోని పాసర్లపూడిలంక గ్రామానికి చెందిన ఇద్దరు యువకులు ఆటోలో జగ్గన్నపేటవైపు వెళ్తుండగా ఎదురుగా వస్తున్న మినీలారీ వేగంగా ఢీకొంది. ఈ ప్రమాదంలో ఆటోలో ప్రయాణిస్తున్న ఇద్దరు యువకులు మృతిచెందగా, మినీలారీ డ్రైవర్‌కు గాయలయ్యాయి.