విజయవాడ,మే23( జ‌నం సాక్షి):  కృష్ణా జిల్లా నందిగామ శివారు అన్నాసాగరం బైపాస్‌ రోడ్డు వద్ద బుధవారం ఉదయం రోడ్డుప్రమాదం జరిగింది. రాంగ్‌రూట్‌లో వస్తున్న ఆటోను ఎదురుగా లారీ ఢీ కొట్టింది. ఈ ప్రమాదంలో ఆటోలో ప్రయాణిస్తున్న ఇద్దరు మృతి చెందారు. మరో ముగ్గురికి తీవ్రగాయాలు అయ్యాయి. మృతులు ఖమ్మం జిల్లా నేలకొండపల్లికి చెందిన వారుగా పోలీసులు గుర్తించారు. గాయపడిన వారిని చికిత్స నిమిత్తం నందిగామ ఆసుపత్రికి తరలించారు. నందిగామ పోలీసులు కేసు నమోదు చేసి దర్యాప్తు చేస్తున్నారు.