ఏలూరు,మే28( జ‌నం సాక్షి ): పశ్చిమగోదావరి జిల్లా పెదపాడు మండలం అమ్మపాలెం వద్ద ద్విచక్రవాహనాన్ని కారు వెనుకనుండి ఢీకొంది. ఈ ఘటనలో బైక్‌పై వెళ్తున్న కృష్ణాజిల్లా బాపుల పాడు మండలం ఓగిరాలకి చెందిన పి.మోహనరావు అక్కడిక్కడే మృతి చెందాడు. ఆయన కుమార్తెకి తీవ్రగాయాలయ్యాయి. ఘటన స్ధలానికి చేరుకున్న పోలీసులు ఆమెను చికిత్స నిమిత్తం ప్రైవేటు ఆసుపత్రికి తరలించారు. మృతదేహాన్ని పోస్టుమార్టం నిమిత్తం ఏలూరు ప్రభుత్వ ఆసుపత్రికి తరలించారు.