శ్రీకాకుళం,నవంబర్‌16(జ‌నంసాక్షి): రాంగోపాల్‌ వర్మ చిత్రానికి లేని అభ్యంతరం లక్ష్మీస్‌ వీరగ్రంధం సినిమాకు ఎందుకు..? అని లక్ష్మీస్‌ వీరగ్రంధం సినిమా దర్శకుడు కేతిరెడ్డి జగదీశ్వర్‌రెడ్డి అన్నారు. చిత్ర నిర్మాణంపై వస్తున్న బెదరింపులను లెక్చేయబోమని అన్నారు. గురువారం జిల్లాలోని అరసవెళ్లి సూర్యనారాయణ స్వామిని దర్శించుకున్నారు. ఈ సందర్బంగా విలేకరులతో మాట్లాడుతూ… కొన్ని దుష్ట శక్తులు సినిమాను అడ్డుకునే ప్రయత్నం చేస్తున్నాయని, చిత్ర నిర్మాణానికి అవరోధాలు తొలగించాలని సూర్యభగవానుడిని కోరుకున్నానని కేతిరెడ్డి పేర్కొన్నారు. అలాగే సినిమా షూటింగ్‌కు రక్షణ కల్పించాలని ముఖ్యమంత్రి చంద్రబాబునాయుడిని కోరుతానని ఆయన అన్నారు. ఈ చిత్రం ద్వారా నాటి ఘటనలు తెలరకెక్కించే ప్రయత్నం చేస్తున్నారు.