కాకినాడ,జూలై11(జ‌నం సాక్షి): బస్సులో ప్రయాణించిన విద్యార్థినులను వేధించిన విద్యార్థులను బుధవారం పోలీసులు అరెస్టు చేశారు. వివరాల్లోకెళితే… నిన్న రాత్రి కాకినాడ నుంచి కాజులూరుకు బస్సులో ప్రయాణించిన విద్యార్థినులను, కాకినాడకు చెందిన కొందరు విద్యార్థులు వేధించారు. నిన్న అర్థరాత్రి విద్యార్థినుల తల్లిదండ్రులు వేధించిన విద్యార్థులపై చర్యలు తీసుకోవాలని ధర్నా చేశారు. డిఎస్‌పి రవివర్మ కాకినాడలో విచారణ చేపట్టారు. వేధించిన విద్యార్థుల్లో నలుగురిని బుధవారం అరెస్టు చేసి విచారిస్తున్నారు.