నెన్నెల మండల కేంద్రంలోని జిల్లా పరిషత్ సెకండరీ పాఠశాలలో శుక్రవారం మంచిర్యాల జిల్లా కేంద్రంలోని వైష్ణవి జువెలర్స్ అధ్వర్యంలో విద్యార్థులకు బోజన ప్లేట్లు అందజేశారు. ఈసందర్భంగా పాఠశాల హెచ్ఎం కాసర్ల నారాయణ మాట్లాడుతూ పాఠశాల ఫిజికల్ డైరెక్టర్ సిరంగి గోపాల్ మిత్రుడు అయిన వైష్ణవి జువెలర్స్ యజమాని పొద్దుటురి శ్రీశైలంకు విద్యార్థుల ఇబ్బందులను ఆయన స్పందించి ₹ 7 వేల రూపాయల విలువ గల బోజన ప్లేట్లను విద్యార్థులకు అందించారని తెలిపారు. విద్యార్థుల ఇబ్బందులను గమనించి బోజన ప్లేట్లను విరాళంగా ఇచ్చిన పొద్దుటురి శ్రీశైలంను ప్రధానోపాధ్యాయుడు నారాయణ, విద్యా కమిటీ చైర్మెన్ జంపాల బాపు అభినందించారు. ఈకార్యక్రమంలో పాఠశాల ఉపధ్యాయులు, విద్యార్థులు పాల్గొన్నారు