తిరుమల,నవంబర్‌1(జ‌నంసాక్షి): తిరుమల శ్రీవారిని సినీ దర్శకుడు త్రివిక్రం శ్రీనివాస్‌ దర్శించుకున్నారు. ఉదయం వీఐపీ విరామసమయంలో స్వామి వారిని దర్శించుకొని మొక్కులు చెల్లించుకున్నారు. ఆలయ అధికారులు త్రివిక్రమ్‌ కు ప్రత్యేక దర్శన ఏర్పాట్లు చేశారు. దర్శనానంతరం ఆలయ రంగనాయకుల మండపంలో వేదపండితులు వేద ఆశీర్వచనం చేయగా ఆలయ అధికారులు స్వామి వారి తీర్థప్రసాదాలు అందచేసి పట్టువస్త్రంతో సత్కరించారు. అరవిందసమేత చిత్రం విజయవంతం అయిన సందర్భంగా స్వామివారికి మొక్కులు చెల్లించుకోవడానికి తిరుమలకు వచ్చినట్లు త్రివిక్రమ్‌ పేర్కొన్నారు.
