హుజూరాబాద్‌ టౌన్‌, ఆగస్టు 11 (జనంసాక్షి) : మాజీ మంత్రి కెప్టెన్‌ వి లక్ష్మికాంతరావు మేనల్లుడు, మానకొండూర్‌కు చెందిన జీవి రఘునందన్‌రావు నిర్మాతగా, స్వీయా దర్శకత్వంలో రూపొందుతున్న ఎన్‌ఆర్‌ఐ సినిమా షూటిం గ్‌ శనివారం హుజూరాబాద్‌ మండలంలోని కిట్స్‌ ఇంజనీరింగ్‌ కళాశాలలో జరిగింది. ఈ షూటింగ్‌ను ఎమ్మెల్సీ నారదాసు లక్ష్మణ్‌రావు, కిట్స్‌ కార్యదర్శి వి సతీష్‌కుమార్‌, టీఆర్‌ఎస్‌ రాష్ట్ర కార్యవర్గ సభ్యుడు రామకృష్ణరావులు క్లాప్‌ కొట్టి ప్రారంభించారు. సినిమా షూటింగ్‌లో భాగంగా ఎన్‌ఆర్‌ఐ టైటిల్‌ సాంగ ్‌ను, క్లెమాక్స్‌ సన్నివేశాలను హీరో రోహిత్‌, హిరోయిన్‌ శ్రావ్య, ఇతర డ్యాన్స ర్లతో కళాశాలలోని వివిధ లోకెషన్లలో చిత్రీకరించారు.

ఈ సందర్భంగా ఎమ్మె ల్యే నారదాసు లక్ష్మణ్‌రావు విలేకరులతో మాట్లాడుతూ తెలుగు చిత్ర పరిశ్ర మ లో తెలంగాణకు చెందిన యువకులు రాణిస్తున్నారని ఇటీవల హరిశంకర్‌, నంది సంపత్‌, వేణు, శ్రీరాం, సురేందర్‌రెడ్డి, శివారెడ్డిలాంటి ఎంతో మంది తమ ప్రతిభను చాటారన్నారు. గతంలో కూడా తెలంగాణకు చెందిన వారు చిత్ర పరిశ్రమలో జాతీయ స్థాయిలో గుర్తింపు పొందారని పేర్కొన్నారు. ఈ సినిమాలో సీనియర్‌ నటుడు అహుతి ప్రసాద్‌, శివారెడ్డి, హేమలు ఉన్నారన్నారు.