ఏలూరు,మే18(జ‌నం సాక్షి ):  పశ్చిమ గోదావరి జిల్లా భీమవరం మండలం తుందుర్రులో ఉద్రిక్తత పరిస్థితులు నెలకొన్నాయి. ఆక్వాఫుడ్‌ పార్క్‌ కు వ్యతిరేకంగా మహిళలు సెల్‌ టవర్‌ ఎక్కి ఆందోళన తెలుపుతున్నారు. ఆక్వాఫుడ్‌ పార్క్‌ ఫ్యాక్టరీ పైప్‌ లైన్‌ నిర్మాణాన్ని సిపిఎం నాయకులు, ఆక్వాఫుడ్‌ పార్క్‌ వ్యతిరేక సమితి నాయకులు అడ్డుకున్నారు. పొలాల నుండి పైప్‌ లైన నిర్మాణం చేపట్టడంపై ఆగ్రహాం వ్యక్తం చేశారు. ఆక్వాఫుడ్‌ పార్క్‌ వ్యతిరేక సమితి నాయకుడు వాసు, సిపిఎం నేతలు గోపాలన్‌, త్రిమూర్తులు సహా పలువురు అరెస్ట్‌ అయ్యారు.