తెలంగాణలో స్వైన్ ఫ్లూ తీవ్రత తగ్గుతున్నప్పటికీ రెండు రోజులుగా ఎక్కువ పాజిటివ్ కేసులు నమోదవుతున్నాయని రాష్ర్ట ఆరోగ్య శాఖ వెల్లడించింది. స్వైన్ ఫ్లూ తాజా పరిస్థితిపై బులిటెన్ విడుదల చేసింది. జనవరి 1 నుంచి ఇప్పటి వరకు స్వైన్ ఫ్లూతో రాష్ర్టంలో 60 మంది చనిపోయారని ఆరోగ్య శాఖ ప్రకటించింది. 5,240 మందికి పరీక్షలు చేయగా.. 1,651 మందికి స్వైన్ ఫ్లూ పాజిటివ్ వచ్చిందని తెలిపింది. స్వైన్ ఫ్లూ లక్షణాలుంటే వెంటనే ఆస్పత్రికి వెళ్లాలని సూచించింది.
