స్పష్టం చేసిన ఎంసెట్‌ కన్వీనర్‌

హైదరాబాద్‌,జూలై16(జనం సాక్షి ): ఈ నెల 18 నుంచి టీఎస్‌ ఎంసెట్‌ ఇంజినీరింగ్‌ పరీక్షలు యధాతథంగా జరుగుతాయని ఎంసెట్‌ కన్వీనర్‌ స్పష్టం చేశారు. 18, 19, 20 తేదీల్లో రెండు సెషన్లలో పరీక్షలు నిర్వహిస్తామని పేర్కొన్నారు. ఉదయం సెషన్‌ 9 గంటలకు, మధ్యాహ్నం సెషన్‌ 3 గంటలకు ప్రారంభం కానుంది. ఇంజినీరింగ్‌ ఎంట్రెన్స్‌కు 1,72,241 మంది హాజరు కానున్నట్లు తెలిపారు. ఇందుకోసం తెలంగాణలో 89, ఏపీలో 19 పరీక్షా కేంద్రాలను ఏర్పాటు చేశామని కన్వీనర్‌ పేర్కొన్నారు. ప్రతి సెషన్‌లో దాదాపు 29 వేల మంది విద్యార్థులు పరీక్షలు రాయనున్నట్లు స్పష్టం చేశారు. భారీ వర్షాలు, వరదల కారణంగా ఈ నెల 14, 15 తేదీల్లో జరగాల్సిన ఎంసెట్‌ అగ్రికల్చర్‌, మెడికల్‌ పరీక్షలను వాయిదా వేసిన సంగతి తెలిసిందే.