నిజాం నియంతను తరిమికొట్టిన ఘనత వల్లభాయ్ పటేల్‌దేనని, పటేల్ లేకుంటే భారత్‌లో హైదరాబాద్ విలీనం అయ్యేదికాదని అమిత్ షా అన్నారు. సర్దార్ పటేల్ ఏ లక్ష్యాన్నైతే ప్రారంభించారో దానిని ప్రధాని నరేంద్ర మోదీ పూర్తి చేస్తారని ఆయన ఆశాభావం వ్యక్తం చేశారు. తెలంగాణ వికాసానికి అందరూ కృషి చేయాలని, తూర్పు, దక్షిణ భారతాల్లో బీజేపీ జెండా ఎగరాలని ఆయన పిలుపునిచ్చారు. నిత్యం జనం మద్య ఉండే నాయకుడే మోదీ అని అయన అన్నారు. ప్రధాని ఎర్రకోట ప్రసంగం దేశంలోని ప్రతి హృదయం తలుపు తట్టిందని అమిత్ షా తెలిపారు.

సమస్యల పరిష్కారానికి ప్రధాని మోదీ వద్ద పక్కా ప్రణాళిక ఉందని అమిత్ షా చెప్పారు. ప్రతి ప్రజా ప్రతినిధి తన నియోజక వర్గంలో ఒక గ్రామాన్ని ఆదర్శ గ్రామంగా అభివృద్ధి చేయాలని నరేంద్రమోదీ సంకల్పించారని ఆయన అన్నారు. యూపీఏ పాలన కుంభకోణాల మయమని, కుంభకోణాలతో యూపీఏ ప్రభుత్వం దేశాన్ని భ్రష్టు పట్టించిందని ఆయన మండిపడ్డారు.