అనంతపురం,ఆగస్ట్‌9(జ‌నం సాక్షి): పుట్లూరు మండలంలో కడవకల్లు వద్ద ఇసుకను అక్రమంగా తరలిస్తున్న పన్నెండు టిప్పర్లను పోలీసులు స్వాధీనం చేసుకున్నారు. స్వాధీనం చేసుకున్న లారీలను పోలీసు స్టేషన్‌కు తరలించినట్లు ఎస్సై వంశీకృష్ణ తెలిపారు. గత కొంతకాలంగా యథేచ్ఛగా జరుగుతున్న అక్రమ రవాణాకు అడ్డుకట్ట వేసినట్లు ఎస్సై తెలిపారు. స్థానికులు ఇచ్చిన సమాచారం మేరకు గురువారం లారీలనుఅదుపులోనికి తీసుకుని కేసు నమోదు చేసినట్లు తెలిపారు.