ఉరవకొండ రూరల్‌, ఆగస్టు 19: ఇంట్లో పరుపు కింద ఉన్న పాము నలుగురు పిల్లలకు కరిచిందనే అనుమానంతో వారిని ఆసుపత్రికి తరలించారు. ఉరవకొండ మండలం పెద్దముస్సూరు గ్రామానికి చెందిన నాగరాజు అనే వ్యక్తి ఇంట్లో పడుకున్న నలుగురు పిల్లల్ని లేపుతుండగా వారు పడుకున్న పరుపు వద్ద ఓ పాము కనిపించింది. దీంతో పామును చంపివేసి, పిల్లల్ని హుటాహుటిన ఉరవకొండ ఆసుపత్రికి తరలించారు. అక్కడ ప్రాథమిక వైద్యం చేసి పిల్లల్ని మెరుగైన వైద్యం కోసం అనంతపురం ప్రభుత్వ ఆసుపత్రికి తరలించారు.