హైదరాబాద్,  జగన్ దీక్ష కుర్చీకోసం తప్ప ప్రజల కోసం కాదని టీడీపీ ఎమ్మెల్సీ గాలి ముద్దుకృష్ణమ నాయుడు విమర్శించారు. ఏపీకి ప్రత్యేక హోదా కోసం ప్రాణత్యాగానికి సిద్ధపడి ఆమరణ నిరాహార దీక్షకు దిగిన జగన్‌కు బీపీ, షుగర్‌తో పనేంటని ప్రశ్నించారు. ఈ విషయంలో ఎందుకు భయపడుతున్నారని ప్రశ్నించారు. సోమవారం ఇక్కడి ఎన్టీఆర్ ట్రస్ట్ భవన్‌లో మీడియాతో మాట్లాడిన ఆయన వైఎస్‌ జగన్‌పై తీవ్రస్థాయిలో మండిపడ్డారు. జగన్‌కు హానీ చేకూరాలని తామెవరమూ కోరుకోవడం లేదని, జగన్ ఉంటే తమకే రాజకీయంగా మేలని ముద్దుకృష్ణమ వ్యాఖ్యానించారు