విశాఖ, ఆగస్టు 29 : జిల్లాలో బంద్ సందర్భంగా  వైసీపీ కార్యకర్తలు ఆర్టీసీ బస్సులపై ప్రతాపం చూపించారు. నర్సీపట్నం నుంచి చోడవరం వెళుతున్న ఆర్టీసీ బస్సు అద్దాలను చెట్టుపల్లి దగ్గర వైసీపీ కార్యకర్తలు ధ్వంసం చేశారు. దీంతో బస్సులోని ప్రయాణికులు భయంతో పరుగులు తీశారు. ఈ సంఘటనతో ఆర్టీసీ బస్సుల రాకపోకలకు అంతరాయం వాటిల్లింది. బంద్‌ వల్ల ప్రయాణికులు అవస్థలు పడుతున్నారు. మద్దెలపాలెంలో ఆందోళన చేస్తున్న వారిని పోలీసులు అరెస్ట్ చేశారు.  బంద్‌కు వామపక్ష కార్యకర్తలు కూడా మద్దతు ప్రకటించారు.