వెల్లింగ్టన్‌ : ఇంగ్లాండ్‌తో జరిగిన వన్డే మ్యాచ్‌లో న్యూజిలాండ్‌ 8 వికెట్ల తేడాతో భారీ విజయాన్ని నమోదు చేసింది. 123 పరుగుల స్వల్ప విజయ లక్ష్యంతో బరిలోకి దిగిన కివీస్‌.. ఓపెనర్‌ బ్రెండన్‌ మెక్‌కలమ్‌ చెలరేగి ఆడటంతో కేవలం రెండు వికెట్లు మాత్రమే కోల్పోయి 12.2 ఓవర్లలో లక్ష్యాన్ని అలవోకగా ా’ాదించింది. కేవలం 25 బంతుల్లో 8 ఫోర్లు, 7 సిక్స్‌లతో మెక్‌కలమ్‌ 77 పరుగులు చేసి వోక్స్‌ బౌలింగ్‌లో ఔటయ్యాడు. గప్తిల్‌(22) రాణించగా.. విలియమ్సన్‌(9), టైలర్‌(5) లాంఛనాన్ని పూర్తి చేశారు.
కుప్పకూలిన ఇంగ్లాండ్‌..
అంతకుముందు టాస్‌ గెలిచి బ్యాటింగ్‌కు దిగిన ఇంగ్లాండ్‌.. న్యూజిలాండ్‌ బౌలర్‌ సౌథీ దెబ్బకు విలవిల్లాడింది. 33.2 ఓవర్లలో 123 పరుగులకే ఆలౌట్‌ అయింది. ఇంగ్లాండ్‌ బ్యాట్స్‌మెన్‌ ఆరుగురు కనీసం రెండంకెల స్కోరు కూడా చేయలేకపోయారు. ఇందులో ఇద్దరు డకౌట్‌గా వెనుదిరగటం విశేషం.
ఇంగ్లాండ్‌ను బెంబేలెత్తించిన సౌథీ..
సొంతగడ్డపై న్యూజిలాండ్‌ బౌలర్‌ సౌథీ ఆది నుంచి ఇంగ్లాండ్‌ బ్యాట్స్‌మెన్‌ను బౌలింగ్‌తో బెంబేలెత్తించాడు. 36 పరుగులకే ఓపెనర్లు బెల్‌(8), మొయీన్‌ అలీ(20)లను క్లీన్‌ బౌల్డ్‌ చేసి పెవిలియన్‌కు పంపడంతో షాక్‌ తిన్న ఇంగ్లాండ్‌ మరో వికెట్‌ పడకుండా జాగ్రత్తగా ఆడినప్పటికీ జట్టు స్కోరు 57 పరుగుల వద్ద బాలెన్స్‌(10) రూపంలో మూడో వికెట్‌ కోల్పోయింది. అనంతరం రూట్‌ ఇన్నింగ్స్‌ నిర్మించే బాధ్యతను తీసుకుని కెప్టెన్‌ మోర్గాన్‌(17)తో కలిసి సంయమనంతో ఆడాడు. నాలుగో వికెట్‌కి వీరు 47 పరుగుల భాగస్వామ్యాన్ని నమోదు చేశారు. అయితే 104 పరుగుల వద్ద మోర్గాన్‌ వికెట్‌ అనంతరం ఇంగ్లాండ్‌ క్రమంగా వికెట్లు కోల్పోతూ ఏ దశలోనూ కోలుకోలేకపోయింది. వరుసగా టైలర్‌(0), బట్లర్‌(3), వోక్స్‌(1), బ్రాడ్‌(4), ఫిన్‌(0)లను పెవిలియన్‌కు పంపిన సౌథీ ఇంగ్లాండ్‌ను 123 పరుగులకే కుప్పకూల్చాడు.
రూట్‌ ఒంటరి పోరాటం..
మూడో వికెట్‌ అనంతరం బ్యాటింగ్‌కు వచ్చిన రూట్‌(46) ఒక్కడే నిలకడగా ఆడుతూ ఒంటరి పోరాటం చేశాడు. అయితే అతనికి మరో ఎండ్‌లో సహచరుల నుంచి ఎలాంటి సహకారం అందలేదు. రూట్‌ ఆదుకోకుండా ఉంటే ఇంగ్లాండ్‌ పరిస్థితి మరింత ఘోరంగా ఉండేది. కనీసం వంద పరుగుల మార్కును కూడా దాటేది కాదు.
స్కోరు బోర్డు..
ఇంగ్లాండ్‌ బ్యాటింగ్‌ : 123(33.2 ఓవర్లు)
ఆటగాడు
పరుగులు
ఇయాన్‌ బెల్‌
8
మొయీన్‌ అలీ
20
బాలెన్స్‌
10
రూట్‌
46
మోర్గాన్‌
17
టేలర్‌
0
బట్లర్‌
3
వోక్స్‌
1
బ్రాడ్‌
4
ఫిన్‌
0
జేమ్స్‌ అండర్‌సన్‌(న్ఠాౌట్‌)
1
న్యూజిలాండ్‌ బౌలింగ్‌..
ఆటగాడు
వికెట్లు
సౌథీ
7
బౌల్ట్‌
1
మిల్నె
1
వెటోరి
1
కోరె అండర్‌సన్‌
0
న్యూజిలాండ్‌ బ్యాటింగ్‌ : 125/2(12.2 ఓవర్లు)
ఆటగాడు
పరుగులు
గప్తిల్‌
22
బ్రెండన్‌ మెక్‌కలమ్‌
77
విలయమ్సన్‌(న్ఠాౌట్‌)
9
రాస్‌ టేలర్‌(న్ఠాౌట్‌)
5
ఇంగ్లాండ్‌ బౌలింగ్‌
ఆటగాడు
వికెట్లు
వోక్స్‌
2
బ్రాడ్‌
0
జేమ్స్‌ అండర్‌సన్‌
0
ఫిన్‌
0