చిత్తూరు,మే7(జ‌నం సాక్షి):  టీడీపీ ఎమ్మెల్సీగా దివంగత గాలి ముద్దుకృష్ణమ నాయుడు సతీమణి గాలి సరస్వతమ్మ ఏకగ్రీవంగా ఎన్నిక అయ్యారు. గాలి మరణంతో ఆమెకు టిడిపి టిక్కెట్‌ ఇచ్చారు. ఈ సందర్భంగా ఎన్నికల అధికారులు ఆమెకు ధృవీకరణ పత్రాన్ని అందజేశారు. ఈ కార్యక్రమానికి టీడీపీ నేతలు ఎంపీ శివప్రసాద్‌, జడ్పీ చైర్మన్‌ గీర్వాణి, ఎమ్మెల్సీ దొరబాబు, పులివర్తి నాని, మేయర్‌ హేమలత 
తదితరులు హాజరయ్యారు. తన ఎన్నిక ఏకగ్రీవానికి సహకరించినవారందరికీ గాలి సరస్వతమ్మ కృతజ్ఞతలు  తెలిపారు. గాలి ముద్దుకృష్ణమనాయుడి ఆశయాలను నెరవేరుస్తానని ఆమె అన్నారు. గాలి ముద్దుకృష్ణమనాయుడు అనారోగ్యంతో మృతి చెందిన విషయం తెలిసిందే. ఆ ఎమ్మెల్సీ పదవికి ఆయన భార్య గాలి సరస్వతమ్మను ఎంపిక చేసి ఏకగ్రీవంగా ఎన్నుకున్నారు.