అనంతపురం,జూన్‌12(జ‌నం సాక్షి ): అనంతపురం జిల్లా తాడిపత్రి పట్టణ సవిూపంలో అక్రమంగా తరలిస్తున్న ఎర్రచందనం దుంగలను పోలీసులు స్వాధీనం చేసుకున్నారు. తమిళనాడు రాష్ట్రానికి చెందిన వాహనం నంద్యాల నుంచి తాడిపత్రి వైపు ప్రయాణిస్తూ సజ్జలదిన్నె గ్రామం వద్ద ఎదురుగా వస్తున్న ట్రాక్టర్‌ని ఢీకొంది.దీంతో కారులో ఉన్న ఎర్రచందనం దుంగలు బయటపడ్డాయి. కారు ముందు భాగం ధ్వంసం కావడంతో ముందుకు కదలలేదు. దీంతో దొంగలు కారులోని ఎర్రచందనం దుంగలను మరో వాహనంలోకి ఎక్కిస్తుండగా స్థానికులు గమనించి పోలీసులకు సమాచారం ఇచ్చారు. పోలీసులు సజ్జలదిన్నె గ్రామానికి చేరుకునే లోపు దొంగలు రెండు వాహనాలను అక్కడే వదిలి పరారయ్యారు. పోలీసులు రెండు వాహనాలతో పాటు 21 ఎర్ర చందనం దుంగలను స్వాధీనం చేసుకున్నారు. వాహనాల ఆధారంగా కేసు దర్యాప్తు చేపట్టినట్లు తాడిపత్రి గ్రావిూణ ఎస్‌ఐ రామకృష్ణారెడ్డి తెలిపారు.