చిత్తూరు: మదనపల్లి నెహ్రూ బజార్‌లో విషాదం చోటు చేసుకుంది. కరెంట్‌షాక్‌తో వృద్ధ దంపతులు మృతి చెందారు. ఈ సంఘటనతో అక్కడ ఉన్న స్థానికులు ఒక్కసారిగా ఆందోళనకు గురయ్యారు. ఉన్నట్టు ఉండి ఆకస్మాత్తుగా ఇద్దరు చనిపోవడంపై చుట్టుపక్కల వారు షాక్‌కు గురయ్యారు. మృతులు: నిరంజన్‌ కుమార్‌, సరస్వతిగా గుర్తించారు. స్థానికులు పోలీసులకు సమాచారం ఇవ్వడంతో పోలీసులు వచ్చి ఘటనాస్థలాన్ని పరిశీలించారు. మృతుల కుటుంబ సభ్యులకు సమాచారం అందించారు. ఘటన స్థలానికి చేరుకున్న కుటుంబసభ్యులు కన్నీటి పర్యంతమయ్యారు.