గుంటూరు,ఆగస్ట్‌25(జ‌నం సాక్షి): బీజేపీ ఎంపీ జీవీఎల్‌ నరసింహారావు కాన్వాయ్‌ కారు ఢీకొని మహిళ మృతి చెందిన ఘటన గుంటూరుజిల్లా తాడేపల్లి మండలం కొలనుకొండ వద్ద చోటుచేసుకుంది. ఈ ప్రమాదంలోగాయపడిన మరో మహిళ పరిస్థితి విషమంగా ఉండటంతో హుటాహుటిన ఆమెను ఆస్పత్రికి తరలించారు. మహిళ రోడ్డు దాటుతున్న సమయంలో కారు ఢీ కొనడంతో ఈ దుర్ఘటన జరిగింది. ప్రమాదం జరిగిన సమయంలో ఎంపీ జీవీఎల్‌ నరసింహారావు కారులోనే ఉన్నట్లు తెలుస్తోంది. ప్రమాదం తర్వాత ఎంపీ జీవీఎల్‌ మరో కారులో విజయవాడ వెళ్లినట్లుగా సమాచారం. కాగా పోలీసులు ఎంపీ కారు డ్రైవర్‌ ను అదుపులోకి తీసుకున్నారు.

—————-