ఆస్పత్రికి తరలింపు

తిరుమల,ఆగస్ట్‌25(జ‌నం సాక్షి): తిరుమలలోని పాంచజన్యం అతిథి గృహం వద్ద ఆక్టోపస్‌ కమాండోలు నిర్వహించిన మాక్‌డ్రిల్‌లో అపశ్రుతి చోటుచేసుకుంది. మాక్‌ డ్రిల్‌లో భాగంగా విన్యాసాలు ప్రదర్శిస్తోన్న సందీప్‌ అనే కమాండో నాలుగో అంతస్తు నుంచి ప్రమాదవశాత్తు పడిపోయాడు. పై నుంచి దిగుతుండగా నడుముకు కట్టుకున్న బెల్ట్‌ తెగి సందీప్‌ ఒక్కసారిగా కిందపడిపోయాడు. వెంటనే సిబ్బంది అతన్ని తిరుమల అశ్వనీ ఆస్పత్రికి తరలించారు. అతని తలకు తీవ్రగాయం కావడంతో అక్కడినుంచి తిరుపతి స్విమ్స్‌కు తరలించి చికిత్స అందిస్తున్నారు.

————-