గుంటూరు: పంటలపై పురుగు మందులు చల్లకుండా ఉత్పత్తుల్లో నాణ్యత పెంచడంపై శని, ఆదివారాలలో గుంటూరులోని కృషి భవన్‌లో రైతులకు శిక్షణ కార్యక్రమాలను నిర్వహిస్తున్నట్లు అధికారులు తెలిపారు. విశ్రాంత ఐఏఎస్‌ అధికారి రాయుడు ఆధ్వర్యంలో రెండు రోజుల పాటు ఈ తరగతులు జరుగుతాయన్నారు. వ్యవసాయ శాఖ జేడీ కృపాదాస్‌, అభ్యుదయ రైతులు, బాపట్ల రైతు శిక్షణ కేంద్రం అధికారులు, లాం వ్యవసాయ పరిశోధన కేంద్రం శాస్త్రవేత్తలు ఈ కార్యక్రమంలో పాల్గొంటారని తెలిపారు.