ఒంగోలు,అక్టోబర్‌26(జ‌నంసాక్షి): గుంటూరు జిల్లా నరసరావుపేట నుంచి తిరుమలకు వైఎస్‌ఆర్‌ కాంగ్రెస్‌ పార్టీ ఎమ్మెల్యే గోపిరెడ్డి శ్రీనివాసరెడ్డి చేపట్టిన పాదయాత్ర ఆరో రోజు కొనసాగుతోంది. కొండేపి నియోజకవర్గం సింగరాయకొండ నుంచి గురువారం ఆయన తన పాదయాత్రను ప్రారంభించారు. రాజన్న రాజ్యం మళ్లీ రావాలంటే.. వైఎస్‌ జగన్‌ ముఖ్యమంత్రి కావాలంటూ ఆయన ఈనెల 21 నుంచి ఈ పాదయాత్ర చేస్తున్న విషయం తెలిసిందే. ఈ పాదయాత్రలో పార్టీ నాయకులు, కార్యకర్తలు పాల్గొంటున్నారు. ఈ సందర్భంగా మాట్లాడుతూ వైకాపా అధికారంలోకి వచ్చి జగన్‌ సిఎం అయితే తప్ప రాష్ట్రంలో మంచిరోజులు రావని అన్నారు. తమపార్టీ ఎమ్మెల్యేలను అడ్డంగా చేర్చుకుని నీతులు చెప్పడం టిడిపికే చెల్లిందన్నారు.