కాకినాడ, ఆగస్టు16(జ‌నం సాక్షి ) : కాకినాడ సముద్రంలో గల్లంతయిన దుమ్మలపేటకు చెందిన బోటులోని ఏడుగురు మత్స్యకారుల ఆచూకీ గురువారం లభ్యమయ్యింది. వివరాల్లోకెళితే.. ఈ నెల 7వ తేదీన చేపల వేటకు వెళ్లిన ఏడుగురు మత్స్యకారులు గల్లంతయ్యారు. 11న తిరిగి రావాల్సిన మత్స్యకారులు తిరిగి రాకపోవడంతో ఆందోళన చెందిన బోటు యజమాని కలెక్టర్‌కు ఫిర్యాదు చేశారు. దీంతో అధికారులు ముమ్మరంగా గాలింపు చర్యలు చేపట్టారు. ఈ క్రమంలో శ్రీకాకుళం జిల్లా కళింగపట్నం సవిూపంలో తాము సురక్షితంగా ఉన్నామని, బోటులో ఆయిల్‌ అయిపోవడంతో రాలేకపోయామని బోటు యజమానికి మత్స్యకారుల నుంచి గురువారం మధ్యాహ్నం ఫోన్‌ ద్వారా సమాచారం అందింది. దీంతో అధికారులు, బోటు యజమాని, మత్స్యకారుల కుటుంబీకులు ఊపిరిపీల్చుకున్నారు.
—————————