అమరావతి,ఆగస్ట్‌25(జ‌నం సాక్షి): నారా హమార-టిడిపి హమార’ చలో గుంటూరు బహిరంగ సభకు సంఘీభావం తెలుపుతూ శనివారం విజయవాడలో టిడిపి నాయకులు బైక్‌ర్యాలీ నిర్వహించారు. ఈ సందర్భంగా ఎంపి కేశినేని మాట్లాడుతూ… ఈ నెల 28వ తేదీన గుంటూరులో నిర్వహించనున్న ‘నారా హమార-టిడిపి హమార’ అనే మైనారిటీ బహిరంగ సభకు సంఘీభావంగా ఈ బైక్‌ర్యాలీ నిర్వహించామని తెలిపారు. గుంటూరు సభకు ఎపి ముస్లిములు పెద్దఎత్తున హాజరై తమ సత్తా ఢిల్లీకి చాటాలని పిలుపునిచ్చారు. ఈ ర్యాలీలో పార్లమెంటు సభ్యుడు కేశినేని నాని, ఎమ్మెల్యేలు బోండా ఉమా, గద్దె రామ్మోహన్‌, టిడిపి కార్యకర్తలు పాల్గొన్నారు