కర్నూలు,జూలై27(జ‌నం సాక్షి): జూపాడుబంగ్లా మండలంలోని భాస్కరాపురం గ్రామంలో సర్పంచ్‌ స్వామన్న అధ్యక్షతన మండల నాయకుల ఆధ్వర్యంలో శుక్రవారం గ్రామదర్శిని, గ్రామ వికాసం నిర్వహించారు. కార్యక్రమంలో భాగంగా సిసి రోడ్డుల ప్రారంభోత్సవ కార్యక్రమం నిర్వహించారు. ప్రభుత్వ పథకాల గురించి వివరిస్తూ అధికారులు ప్రజల సమస్యలను అడిగి తెలుసుకున్నారు. జడ్పిటిసి రంగారెడ్డి మాట్లాడుతూ.. గ్రామదర్శిని గ్రామ వికాసం ద్వారా ఇంకా పలు అభివృద్ధి కార్యక్రమాలు చేపడతామని తెలిపారు. కార్యక్రమంలో ఎంపిపి మంజుల, మండల కన్వీనర్‌ మోహన్‌ రెడ్డి, జిల్లా తెలుగు యువత ఉపాధ్యక్షులు గిరీశ్వర్‌ రెడ్డి, బిసి సెల్‌ ప్రధాన కార్యదర్శి వెంకటేశ్వర్లు, నాయకులు శ్రీనివాసులు, మహేశ్వర రెడ్డి, రమణారెడ్డి, శివరామిరెడ్డి, కార్యకర్తలు పాల్గొన్నారు.

———————