విజయనగరం,జూలై24(జ‌నంసాక్షి): విజయనగరం జిల్లాలో గ్రంథాలయ ఉద్యమ పితామహుడు అయ్యంకి వెంకటరమణయ్య జయంతి వేడుకలు మంగళవారం నిర్వహించారు. శిక్షణ శిబిరాల ముగింపు రాష్ట్ర స్థాయి కార్యక్రమాన్ని నాయుడు ఫంక్షన్‌ హాల్లో ముఖ్యులు ప్రారంభించారు. కార్యక్రమంలో ఆంధ్రప్రదేశ్‌ రాష్ట్ర గ్రంథాలయ పరిషత్‌ చైర్మన్‌ దాసరి రాజా మాష్టర్‌, పౌర గ్రంథాలయ శాఖ సంచాలకులు పి.పార్వతి, విజయనగరం గ్రంథాలయ చైర్మన్‌ బి.నరసింగరావు, ఇతర జిల్లాల చైర్మన్‌లు పాల్గొన్నారు. అయ్యంకి జయంతి సందర్భంగా పలు సాంస్కృతిక కార్యక్రమాలు నిర్వహించారు. అయ్యంకి మనుమడు అయ్యంకి మురళికి అయ్యంకి చిత్రపటాన్ని అందచేసి, సన్మానించారు.