తిరుమల,జూలై17(జ‌నం సాక్షి): తిరుమల శ్రీవారి ఆలయంలో ఆణివారి ఆస్థానం కన్నుల పండువగా జరిగింది. శ్రీవారికి పూజలు, నివేదనలు పూర్తి అయిన అనంతరం బంగారు వాకిలి గంట మండపం వద్ద శ్రీదేవి, భూదేవి సమేత మలయప్ప స్వామి, స్వామి వారి సేనాధిపతి విశ్వక్సేనులవారులను వేంచేపు చెప్పి కొలువును శాస్రోక్తంగా నిర్వహించారు. ఆగమ అనుసారం పట్టువస్త్రాలు వెండిపళ్ళెంలో ఉంచుకొని పెద్ద జీయంగార్‌ శిరస్సు పై ఊరేగింపుగా తీసుకొచ్చి ఆనంద నిలయంలో సమర్పించారు. సాయంత్రం శ్రీదేవి భూదేవి సమేత మలయప్ప స్వామి స్వామి పుష్పపల్లకిపై తిరుమావిధులలో విహరిస్తూ భక్తులకు దర్శనమిస్తారు.