నెల్లూరు,జూలై4(జ‌నం సాక్షి ): నెల్లూరు జిల్లా సూళ్లూరుపేట శ్రీ చెంగాలమ్మ పరమేశ్వరి అమ్మవారిని ఇస్రో చైర్మన్‌ డాక్టర్‌ శివన్‌ బుధవారం ఉదయం దర్శించుకున్నారు. ఈ సందర్భంగా శ్రీహరికోట నుండి ప్రయోగించే రాకెట్లు విజయవంతం కావాలంటూ ఆలయంలో పూజలు చేశారు. నూతన సాంకేతిక వ్యవస్థను చేజిక్కించు కోవడమే ప్రధాన ఉద్దేశంతో రేపు శ్రీహరికోటలో ఇస్రో కొత్త ప్రయోగ వ్యవస్థపై పరిశోధనచేపట్టనుంది. ప్రయోగాలకు ముందు ఇక్కడి చెంగాలమ్మను దర్శించుకోవడం ఆనవాయితీగా వస్తోంది. దీంతఓ ఆయన కూడా అమ్మవారిని దర్శించుకుని పూజలు చేశారు.