తిరుపతి,జూలై17(జ‌నం సాక్షి): టాస్క్‌ ఫోర్స్‌ పోలీస్టేషన్‌లో జబర్దస్త్‌ నటుడు హరి మంగళవారం లొంగిపోయాడు. న్యాయవాదితో కలిసి టాస్క్‌ ఫోర్స్‌ కార్యాలయానికి చేరుకున్నాడు. ఎర్రచందనం అక్రమ రవాణాలో గత కొన్నిరోజుల ముందు హరిపై టాస్క్‌ ఫోర్స్‌ అధికారులు కేసు నమోదు చేశారు. తాను ఎర్రచందనం అమ్మి కోట్ల రూపాయలు సంపాదించలేదని, ఒక కానిస్టేబుల్‌ తనపై కావాలనే కేసులు పెట్టిస్తున్నాడని హరి ఆరోపించాడు. అనారోగ్యంతో ఉన్న అమ్మను కాపాడుకోవడానికే ఒకసారి ఎర్రచందనాన్ని అక్రమంగా రవాణా చేశానని అధికారులకు తెలిపాడు.