జిలానీకి పలువురి అభినందన
కడప,మే23(జ‌నం సాక్షి): ఏషియన్‌ బ్యాడ్మింటన్‌ ఛాంపియన్‌ షిప్‌లో పాల్గొనే ఇండియన్‌ టీం సెలక్టర్‌గా కడప జిల్లా బ్యాడ్మింటన్‌ అసోసియేషన్‌ కార్యదర్శి ఎస్‌.జిలానీబాష ఎంపికయ్యారు. ఈ సందర్భంగా ఆయనను పలువురు క్రీడాభిమానులు అభినందించారు. అండర్‌-18 బాలబాలికల జట్లను ఎంపిక చేసే బాధ్యతను స్కూల్‌గేమ్స్‌ ఫెడరేషన్‌ ఆఫ్‌ ఇండియా(ఎస్‌జిఎఫ్‌ఐ) జిలానీబాషకు అప్పగిస్తూ ఉత్తర్వులు అంద జేసింది. ఈ నెల 29, 30 తేదీలలో మహారాష్ట్రలోని పూణెళిలో టీమిండియా ఎంపిక జరగ నుంది. ఎస్‌జిఎ నేషనల్స్‌, ఖేలో ఇండియాలో చూపిన ప్రతిభ ఆధారంగా 32 మంది బాలురు, 32 మంది బాలికలను ఈ సెలెక్షన్స్‌ కోసం ఎంపిక చేశారు. వీరికి విడివిడిగా ఎంపికలు నిర్వహించి ఇండియన్‌ బ్యాడ్మింటన్‌ టీమ్‌ను ఎంపిక చేయాల్సి ఉంటుందని జిలానీ బాష తెలిపారు. పూణెళిలో ఎంపికైన ఇండియన్‌ టీమ్‌ జూలై 6 నుంచి 13వ తేదీ వరకు నాగపూర్‌లో నిర్వహించే ఏషియన్‌ బ్యాడ్మింటన్‌ ఛాంపియన్‌షిప్‌ పోటీలలో పాల్గొంటుందని చెప్పారు. కొత్త మాధవరం ఉన్నత పాఠశాల ఫిజికల్‌ డైరెక్టర్‌గా పనిచేస్తున్న జిలానీబాష గతంలో ఎస్‌జిఎఫ్‌ వరల్డ్‌ బ్యాడ్మింటన్‌ ఛాంపి యన్‌షిప్‌ సెలెక్షన్‌ కమిటీ సభ్యునిగా బాధ్యతలు
నిర్వహించాడు. జిలానీబాష ఎంపిక పట్ల పలు క్రీడా సంఘాల ప్రతినిధులు హర్షం వ్యక్తం చేశారు.
