నెల్లూరు,ఆగస్ట్‌24(జ‌నంసాక్షి): నాయుడుపేట పట్టణంలోని బాలయోగి గురుకుల సంక్షేమ పాఠశాలలో టెన్త్‌ చదువుతున్న విద్యార్థి పిగిలం ముని శివ ప్రతాప్‌ ఉరేసుకుని ఆత్మహత్య చేసుకున్నాడు. ఈ ఘటన శుక్రవారం జరిగింది. మృతుడు చిట్టమూరు మండలం తడిమాడు గ్రామానికి చెందిన వాడిగా గుర్తించారు. శివ ప్రతాప్‌ మృతికి దారితీసిన కారణాలు తెలియరాలేదు. శివ ప్రతాప్‌ మృతిపై అన్ని కోణాల్లో దర్యాప్తు చేస్తున్నామని పోలీసులు తెలిపారు. పోస్టుమార్టం కోసం శివ ప్రతాప్‌ మృతదేహాన్ని ఆస్పత్రికి తరలించారు.