తూర్పుగోదావరి జిల్లాలో ఘోర రోడ్డు ప్రమాదం జరిగింది. రాజమండ్రి సమీపంలోని గండేపల్లి వద్ద గ్రానైట్ క్వారీ డస్ట్ లోడుతో వెళ్తున్న లారీ బోల్తాపడింది. దీంతో లారీలోని 35 మంది కూలీలు డస్ట్ లో కూరుకుపోయారు. వారిలో 16 మంది ఊపిరాడక ప్రాణాలు కోల్పోయారు. తీవ్రంగా గాయపడ్డ 18 మందిని స్థానికులు, పోలీసులు వెలికితీశారు. చికిత్స కోసం ఆస్పత్రికి తరలించారు. ఘటన అనంతరం లారీ డ్రైవర్, క్లీనర్ పారిపోయారు. లారీ డ్రైవర్ నిర్లక్ష్యమే ప్రమాదానికి కారణమని పోలీసులు తెలిపారు.