విజయవాడ: తెదేపా అధినేత చంద్రబాబునాయుడు చేపట్టిన ‘వస్తున్నా.. మీ కోసం’ పాదయాత్ర కృష్ణా జిల్లాలో కొనసాగుతోంది. నిన్న సాయంత్రం కురుమద్దాలి నుంచి ప్రారంభమైన పాదయాత్ర మంగళవారం తెల్లవారుజాము 3 గంటల వరకు కొనసాగింది. అనంతరం గుడివాడ సమీపంలోని గాంధీ ఆశ్రమంలో ఏర్పాటు చేసిన బస వద్దకు చంద్రబాబు చేరుకున్నారు. కొమరవోలు నుంచి శిబిరం వరకు నందమూరి బాలకృష్ణ చంద్రబాబుతో కలిసి పాదయాత్రలో పాల్గొన్నారు. మంగళవారం పాదయాత్ర గుడివాడ పట్టణంలో కొనసాగనుంది.
