చిత్తూరు,ఆగస్ట్‌13(జ‌నం సాక్షి ): గంగాధర నెల్లూరు నియోజకవర్గంలోని ఎంపిడిఒ కార్యాలయం వద్ద అరుంధతి వాడ గ్రామ మహిళలు సోమవారం నీటి సమస్యపై ఖాళీ బిందెలతో నిరసన చేశారు. గ్రామస్తులు విలేకరులతో మాట్లాడుతూ.. గంగాధర వెదురుకుప్పం మండలం కొత్తూరు అరుంధతి వాడ గ్రామంలో నీటి సమస్య ఉందని తెలిపారు. తమ గ్రామానికి కొంతకాలంగా తాగడానికి నీళ్లు లేక తీవ్ర ఇబ్బందులు పడుతున్నామని, అధికారులు స్పందించి తమ గ్రామంలోని నీటి సమస్యను పరిష్కరించాలని కోరారు.