ఏలూరు,డిసెంబర్‌2(జ‌నంసాక్షి): అనాధ బాలలకు చేయూత ఇవ్వాలనే ఉద్దేశంతో రోటరీ క్లబ్‌ ఆధ్వర్యంలో డిసెంబర్‌ 3వ తేదీన ఆదివారం ఉదయం 5కె రన్‌ కార్యక్రమాన్ని చేపట్టినట్లు ఏలూరు ఎంపీ మాగంటి బాబుతెలిపారు. ఇందులో అందరూ పాల్గొని విజయవంతం చేయాలని ప్రజలను కోరారు. రోటరీ క్లబ్‌ అధ్యక్షులు కొట్టు మనోజ్‌ సత్యసాయినాధ్‌, కార్యదర్శి పసుమర్తి రవితేజ తదితరులు ఎంపీ బాబును కలుసుకుని 5కె రన్‌ కార్యక్రమంలో పాల్గొనాలని కోరారు. దీనిపై మాగంటి బాబు స్పందిస్తూ ఏలూరులో మొట్టమొదటిసారిగా ఎయిడ్స్‌ పిల్లల సహాయార్థం రోటరీ క్లబ్‌ 5కె రన్‌ కార్యక్రమాన్ని చేపట్టి సమాజంలో ప్రజల్లో అనాధ బాలలకు చేయూతనిద్దామనే ఆలోచన కల్పించడం ప్రశంసనీయమన్నారు. 5కె రన్‌ కార్యక్రమంలో ప్రతి ఒక్కరూ పాల్గొని సమాజ సంక్షేమానికి చేయూతనివ్వాలని బాబు కోరారు. ఆదివారం ఉదయం ఏడు గంటలకు మున్సిపల్‌ కార్యాలయం వద్ద బడేటి చౌక్‌ నుండి 5కె రన్‌ కార్యక్రమాన్ని ఎంపీ బాబు ప్రారంభిస్తారని, ఎంఎల్‌ఎ బడేటి బుజ్జి, ఎంఎల్‌సి రాము సూర్యారావు, నగర మేయర్‌ షేక్‌ నూర్జహాన్‌, తదితరులు పాల్గొంటారని కల్బ్‌ నిర్వాహకులు చెప్పారు. 5కె రన్‌ జిఎన్‌టి రోడ్డు విూదుగా జ్యుట్‌మిల్లు, ఫైర్‌ స్టేషన్‌ విూదుగా కొత్త బస్టాండ లోబ్రిడ్జి నుండి మినీ బైపాస్‌ రోడ్డు, సీసీ క్లబ్‌, కెనాల్‌ రోడ్డు విూదుగా మున్సిపల్‌ ఆఫీసు చేరుకుంటుందని వివరించారు.