ఒంగోలు,నవంబర్‌7(జ‌నంసాక్షి): ప్రకాశం జిల్లా వ్యాయామ ఉపాధ్యాయుల సర్వసభ్య సమావేశం బుధవారం నిర్వహించనున్నట్లు జిల్లా విద్యాశాఖాధికారి విజయభాస్కర్‌ తెలిపారు. ఒంగోలులోని పాత జడ్పీ సమావేశ మందిరంలో బుధవారం మధ్యాహ్నం ఈ సమావేశంఉంటుందన్నారు. సమావేశంలో 2017- 18 విద్యా సంవత్సరంలో జిల్లాలోని ఉన్నత పాఠశాలల్లో నిర్వహించనున్న క్రీడలు, ఆటల పోటీలకు సంబంధించిన తేదీలు, వేదికలను నిర్ణయించడంతోపాటు- ఎంజీఎన్‌ఆర్‌జీఎస్‌ పథకం కింద పాఠశాలల్లో క్రీడా స్థలాల అభివృద్ధి అంశాన్ని చర్చించనున్నట్లు చెప్పారు. జిల్లా పరిషత్తు, ప్రభుత్వ, ఎయిడెడ్‌, నగరపాలక ఉన్నత పాఠశాలల్లో పనిచేస్తున్న ప్రధానోపాధ్యాయులు, పీడీలు, పీఈటీలు తప్పక హాజరు కావాలని కోరారు.