కడప,మే29(జ‌నం సాక్షి):  పెరిగిన పెట్రోల్‌ ధరలపై సర్వత్రా నిరసనలు వ్యక్తమవుతున్నాయి. మంగళవారం సిఐటియు ఆటో యూనియన్‌ ఆధ్వర్యంలో జమ్మలమడుగు నుంచి మైలవరం వరకు 100 ఆటోలు ర్యాలీ నిర్వహించారు. ఈ నిరసన ప్రదర్శనలో సిఐటియు జిల్లా ప్రధాన కార్యదర్శి మనోహర్‌ పాల్గని మాట్లాడుతూ.. పెరిగిన పెట్రోల్‌ ధరలను వెంటనే తగ్గించాలని డిమాండ్‌ చేశారు. లేని పక్షంలో ఆందోళనను మరింత ఉధృతం చేస్తామని హెచ్చరించారు.