కర్నూలు,జూలై31(జ‌నం సాక్షి ): పొలంలో ఎవరో పాతిపెట్టిన నాటుబాంబులు పేలడంతో ముగ్గురు వ్యక్తులు చనిపోయారు. సర్వే చేస్తుండగా ఈ ప్రమాదం జరిగింది. ఒక్కసరాఇగా బాంబులు పేలడంతో గఠన జరిగింది. కర్నూలు జిల్లా జోహరాపురంలో ఈ విషాదకర ఘటన చోటు చేసుకుంది. పొలంలో కొలతలు వేస్తుండగా ఒక్కసారిగా నాటుబాంబులు పేలాయి. ఈ ఘటనలో జంపాల మల్లికార్జున (60) అక్కడికక్కడే దుర్మరణం చెందగా, మరో ఇద్దరు తీవ్రంగా గాయపడ్డారు. క్షతగాత్రులు విజిలెన్స్‌ ఏఎస్‌ఐ శ్రీను, జంపాల రాజశేఖర్‌గా గుర్తించారు. వెంటనే వారిని చికిత్స నిమిత్తం ఆస్పత్రికి తరలించారు. కాగా చికిత్స పొందుతూ జంపాల రాజశేఖర్‌ మృతి చెందాడు. ఏఎస్‌ఐ శ్రీను పరిస్థితి విషమంగా ఉన్నట్లు వైద్యులు తెలిపారు. ఘటనపై కేసు నమోదు చేసిన పోలీసులు దర్యాప్తు చేపట్టారు.