కర్నూలు,జూన్‌20(జ‌నం సాక్షి ): ఆంధ్రప్రదేశ్‌ ప్రత్యేక హోదా డిమాండ్‌కు తెలంగాణ ముఖ్యమంత్రి కేసీఆర్‌ మద్దతు తెలపాలని రాజ్యసభ సభ్యుడు టీజీ వెంకటేశ్‌ కోరారు. ఎన్నికల్లో తెలుగు ప్రజలకు ఇచ్చిన హావిూలను నెరవేర్చని భాజపాపై తెలుగు ప్రజలు ఆగ్రహంగా ఉన్నారని ఆయన కర్నూలులో అన్నారు. ఈ విషయం తెలంగాణ సిఎం కెసిఆర్‌కు కూడా బాగా తెలుసన్నారు. ప్రతిపక్షాలు విమర్శలు మానుకొని అభివృద్ధి కార్యక్రమాల్లో కలిసి రావాలని సూచించారు. నీతి ఆయోగ్‌ పాలకమండలి సమావేశంలో ముఖ్యమంత్రి చంద్రబాబు నాయుడు విభజన హావిూల అమలు కోసం చర్చించారన్నారు. జగన్‌ తన మాట తీరును మార్చుకోవాలని టీజీ హితవు పలికారు. రాష్ట్ర ప్రయోజనాల కోసం అంతా కలసి రావాలన్నారు.