ప్రమాదంలో ముగ్గురి మృతి

కడప,జూన్‌ 5(జనం సాక్షి): కడప జిల్లాలో జరిగిన ఘోర రోడ్డు ప్రమాదంలో ముగ్గురు మృతి చెందారు. బద్వేలు-మైదుకూరు ప్రధాన రహదారిలోని నందిప్లలె వద్ద మంగళవారం వేకువజామున జరిగిన ఘోర రోడ్డుప్రమాదం జరిగింది. ఇందులో ముగ్గురు దుర్మరణం చెందారు. గుంటూరు జిల్లా తెనాలి నియోజకవర్గం పుడివాడకు చెందిన ముగ్గురు కారులో తిరుపతికి బయలుదేరారు. నందిప్లలె వద్దకు రాగానే రోడ్డు మలుపు వద్ద వీరి కారు, ప్రైవేటు బస్సు పరస్పరం ఢీకొన్నాయి. మృతుల్లో ఒకరిని గుంటూరు జిల్లా పుడివాడకు చెందిన కారు డ్రైవర్‌ సాలెం రాజుగా గుర్తించారు. మిగిలిన ఇద్దరి వివరాలు తెలియాల్సి ఉంది.